Evangelium secundum Matthaeum*
Caput 27: Versus 11
Tu es rex Judaeorum.Secundum Lucam duo objecerant, scilicet quod prohibebat dari censum Caesari, et quod diceret se regem. De regno ergo Pilatus, quia nescit, interrogat. De tributis: quia audierat eum respondisse:Reddite quae sunt Caesaris Caesari[Zac. 2.]: quasi apertum mendacium invidorum negligit. Unde Marcus:Et non erant convenientia testimonia eorum[Marc. 24.]. In hoc quod Pilatus nihil aliud criminis interrogat, nisi an sit rex Judaeorum: arguuntur impietatis Judaei, qui nec falso invenire potuerunt quod objicerent Salvatori.